¿Qué ye Defensanimal.org?

Defensanimal.org ye una ONG que defende'l porgüeyu de tolos animales non humanos (ensin importacia de la especie na que s'asitien), poro pídese'l esaniciu de tola actividá o actitú especista, ya aporfia que l'únicu mou de vida coherente colos verdaderos derechos animales ye'l veganismu (poro, nun usar animales non humanos nel día a día).

Pretende informar sobro lo inxustu que ye ser especista (esbillar por mor del calter de la especie del individuu), ya que tolos animales que poseyemos sistema nerviosu poseyemos capacidá de sentir (duelgu, placer, etc.) poro deberíen respetase'l nuesu porgüeyu ensin importar la especie de nós (del talamente que nun tá xustificau que s'esbille por mor del calter de la nuesa raza o sexu).

Defensanimal.org nun pidiguña que se regulen o meyoren les condiciones nes que son trataos los animales non humanos y nel usu de so, sinón que dafechamente aporfia pol esaniciu total de cualesquier actividá o actitú especista.

Defensanimal.org sofita'l veganismu (lo que ye, el non usar a los animales non humanos), y esto viertese nuna alimentación 100% vexetariana, usu de vistimenta ya complementos que nun incluyan cueru, llana o seda, usu de productos nun testaos o esperimentaos n'animales non humanos, la non asistencia a cárceles d'animales non humanos como zoolóxicos o acuarios, nun asistir o participar n'espectáculos o actividaes nos que s'esclavicen animales non humanos (actividaes qu'utilicen caballos, circos que faigan usu d'animales non humanos, folixes populares que se rebolguen per áciu d'otros animales, etc.)

Defensanimal.org fae alderiques, Video-Forums, Talleres de cocina Vegana (100% vexetariana), concentraciones, intervenciónes nos medios de comunicación, programa mensual de radiu (El Requexu Veganu), etc., ya amas, ufrez la web www.defensanimal.org como ventana d'información pa que los/es que son especistes déxense llevar pola razon ya lo dexen (informando del porqué ya cómo facelu).